વરસાદની ઋતુમાં ખાઓ ભરપૂર માત્રામાં આ 5 ફળો, રોગપ્રતિકારક શક્તિ વધશે અને રહેશો નિરોગી

વરસાદની ઋતુમાં ખાઓ ભરપૂર માત્રામાં આ 5 ફળો, રોગપ્રતિકારક શક્તિ વધશે અને રહેશો નિરોગી

વરસાદની ઋતુ આપણા શરીરની ચયાપચયની ક્રિયા ખૂબ ધીમી પડી જાય છે અને ચેપ લાગવાનું જોખમ વધી જાય છે. તેનાથી બચવા માટે લોકોને સ્વાસ્થ્યવર્ધક વસ્તુઓ ખાવાની સલાહ આપવામાં આવે છે. વરસાદની મોસમમાં બજારમાં વિવિધ પ્રકારના ગણા ફળો મળે છે, જેનું સેવન આપણા સ્વાસ્થ્ય અને શરીર માટે ખૂબ જ ફાયદાકારક સાબિત થઈ શકે છે. આ ફળોમાં ઘણા શક્તિશાળી એન્ટીઑકિસડન્ટો સહિત વિશેષ ઉત્સેચકો પણ હોય છે, જે શરીરને રોગોથી બચાવવામાં મદદ કરે છે. હેલ્થ એક્સપર્ટ્સનું માનવું છે કે વરસાદની સિઝનમાં ફિટ રહેવા માટે વ્યક્તિએ વધુ પ્રમાણમાં શક્ય હોય તેટલા ફળો અને શાકભાજીનું સેવન કરવું જોઈએ.

વરિષ્ઠ આહારશાસ્ત્રીઓએ જણાવ્યું છે કે વરસાદની મોસમમાં ફળોનું સેવન ફાયદાકારક છે, પરંતુ તેની સાથે લોકોએ સ્વચ્છતાનું ખાસ ધ્યાન રાખવું જોઈએ. લોકોએ તાજા તાજા ફળો ખરીદવા જોઈએ અને ફળોને કાપી મૂકી રાખવા જોઈએ નહીં. ફળોને ઘરે લાવ્યા પછી તેને હૂંફાળા પાણીમાં મીઠું ઉમેરીને સારી રીતે સાફ કરી લેવા જોઈએ. લોકોએ મોસમી ફળો વધુ પ્રમાણમાં ખાવા જોઈએ, કારણ કે આમ કરવાથી આપણે વધુ ફાયદા મેળવી શકીએ છીએ. ડાયાબિટીસના દર્દીઓ પણ એક મર્યાદામાં ફળો ખાઈ શકે છે, પરંતુ જો સુગર લેવલ વધારે હોય તો પહેલા ડોક્ટરની સલાહ જરૂર લેવી જોઈએ.

ફળોનો રાજા એવી કેરીની ગણતરી આ સિઝનમાં ખૂબ જ ફાયદાકારક ફળોમાં થાય છે. કેરી એ વિટામિન સી અને વિટામિન એનો સારો એવો ભરપૂર સ્ત્રોત છે. તે રોગપ્રતિકારક શક્તિને મજબૂત બનાવે છે અને ત્વચાને પણ ચમકદાર બનાવે છે. ચોમાસામાં કેરી ખાવાથી શરીરમાં પાણીની ઉણપ પણ પૂરી થાય છે.

જાંબુ તો માત્ર વરસાદની મોસમમાં જ મળે છે. જાંબુમાં એન્ટીઑકિસડન્ટ, વિટામિન સી અને ફાઇબરથી ભરપૂર હોય છે, જે હૃદયની તંદુરસ્તીને સુધારે છે અને પાચનમાં ગણો સુધારો કરે છે. જાંબુ જેને ડાયાબિટીસ હોય તો તેને નિયંત્રિત કરવામાં મદદ કરી શકે છે. જાંબુ રોગપ્રતિકારક શક્તિને મજબૂત બનાવે છે અને સાથે સાથે વજનને નિયંત્રિત કરી શકે છે.

 વરસાદની ઋતુમાં નાસપતીને સ્વાસ્થ્ય માટે અમૃત સમાન ગણવામાં આવે છે. નાસપતીમાં સારી એવી માત્રામાં ફાઈબર અને પાણી હોય છે. તે પાચનમાં ગણો સુધારો કરે છે અને શરીરને હાઇડ્રેટેડ રાખે છે. તેને એન્ટીઓક્સીડેન્ટનો સારો સ્ત્રોત માનવામાં આવે છે. આ શરીરમાં તમામ પોષક તત્વોની સાથે સાથે રોગપ્રતિકારક શક્તિને પણ વધારી આપે છે.

પપૈયું એ દરેક ઋતુમાં સ્વાસ્થ્ય માટે ગણું ફાયદાકારક માનવામાં આવે છે અને તે આખા વર્ષ દરમિયાન પણ મળે છે. પપૈયામાં ખાસ પપૈન નામનું એન્ઝાઇમ હોય છે, જે આપણા પાચનને સુધારે છે. તે વિટામિન સી અને વિટામિન એનો પણ સારો એવો સ્ત્રોત છે, જે ત્વચાના સ્વાસ્થ્ય માટે પણ ખૂબ ફાયદાકારક છે.

વરસાદની ઋતુમાં સફરજન ખાવાની તમારી આદત ખૂબ ફાયદાકારક સાબિત થઈ શકે છે. સફરજનમાં ભરપૂર માત્રામાં ફાઈબર હોય છે, જે આપણા પાચનતંત્રને સ્વસ્થ અને મજબૂત રાખવામાં મદદ કરે છે. તેમાં એન્ટીઑકિસડન્ટો પણ હોય છે જે આપણા શરીરને ચેપ સામે લડવામાં ગણા મદદરૂપ થાય છે. ચોમાસામાં દરેક વ્યક્તિએ સફરજનનું સેવન તો અવશ્ય કરવું જ જોઈએ