છાશ વિષે થોડું જાણવા જેવું
The wonderful benefits of drinking buttermilk | છાશ એ ડેરી પીણું છે. છાશ એક પ્રવાહી છે જે સામાન્ય રીતે માખણની પાછળથી બનાવવામાં આવે છે, અથવા દહીંમાં પાણી, મીઠું અથવા મસાલા ઉમેરીને અથવા દૂધને આથો આપીને બનાવવામાં આવે છે. આવા પીણાં દક્ષિણ અમેરિકા, ભારત અને મધ્ય પૂર્વના દેશોમાં લોકપ્રિય છે જ્યાં દૂધ અને દહીં ઝડપથી ખાટા થઈ જાય છે. આ પીણું ઠંડા વાતાવરણ હોવા છતાં, સ્કેન્ડિનેવિયનોમાં પ્રિય છે.
પરંપરાગત છાશ હોય કે સંસ્કારી છાશ, દૂધમાં રહેલા એસિડને કારણે તેની ખાટી હોય છે. દૂધમાં એસિડિટીમાં વધારો મુખ્યત્વે લેક્ટિક એસિડને કારણે છે. લેક્ટિક એસિડ બેક્ટેરિયા દ્વારા દૂધના આથોની આડપેદાશ તરીકે ઉત્પન્ન થાય છે જેને લેક્ટોઝ કહેવાય છે. લેક્ટિક એસિડનું ઉત્પાદન દૂધના પીએચને ઘટાડે છે અને તે દૂધમાં કેસીન નામના પ્રોટીનના કોગ્યુલેશનને કારણે થાય છે, જેના કારણે દૂધ જાડું થાય છે અને જમા થાય છે. આનાથી છાશ દૂધ કરતાં ઘટ્ટ બને છે. પરંપરાગત અને સંસ્કારી છાશ બંનેમાં લેક્ટિક એસિડ હોય છે અને પરંપરાગત છાશ ખૂબ જ પાતળું હોય છે.
પરંપરાગત છાશ
મૂળભૂત રીતે, છાશ એ ક્રીમ અને માખણ કાઢીને ઉભેલું પ્રવાહી છે.
ભારત
ભારતમાં બનેલી છાશ પરંપરાગત છાશનું ઉદાહરણ છે. છાશ એ દહીંમાંથી માખણ કાઢવાની પ્રક્રિયા પછી મેળવવામાં આવતું પ્રવાહી છે. તેને હિન્દીમાં છાશ, પંજાબીમાં લસ્સી, મરાઠીમાં તક (ટક) અને તમિલમાં મોર (மோர்) કહે છે. પરંપરાગત છાશ ભારતમાં લગભગ દરેક ઘરમાં જોવા મળે છે પરંતુ પશ્ચિમી દેશોમાં જોવા મળતી નથી.ગેસ કબજિયાત વગેરે દૂર કરે છે. દક્ષિણ ભારતમાં, તહેવારોના દિવસોમાં લોકોની તરસ છીપાવવા માટે હિંગ અને લીમડાને છાશમાં ભેળવવામાં આવે છે. એવું કહેવાય છે કે છાશ પર્યાવરણની ગરમી સામે લડતી વખતે શરીરને ઠંડુ રાખવામાં મદદ કરે છે. દવાની આયુર્વેદિક અને સિદ્ધ પ્રણાલીઓમાં છાશને ગરમીને શાંત કરનાર પણ માનવામાં આવે છે.
આયુર્વેદમાં છાશ
આયુર્વેદમાં છાશના પાંચ પ્રકાર છે.
૧. ઘોલ = માત્ર દહીંને વલોવીને તૈયાર થતું વલોણુંતી છાશ કે ઘોલ.
૨. મથિત = દહીં ઉપરથી મલાઈનો થર કાઢીને તૈયાર થયેલ વલોણું.
૩. તક્ર = દહીં માં ચોથાભાગનું પાણી ઉમેરી તૈયાર કરતું વલોણું.
૪. ઉદશ્ચિત = અડધું દહીં અને અડધું પાણી ભેળવી તૈયાર થતું વલોણું.
૫. છચ્છિકા = દહીંમાં પાણી ભેળવી માખણ નીતારી, ખૂબ પાણી ભેળવીને આછી કરેલ છાશ.
૬. ઘોળવુ: એક ગ્લાસ દહીંને વલોવીને અડધું પાણી ભેળવી તેમા એક ચપટી નમક અને જીરુ (પાવડર) ભેળવીને આછી કરેલ છાશ.
મિશ્રણ: અડધો ગ્લાસ દહીંમાં એક ચપટી મીઠું અને જીરું (પાઉડર) અને ચાબૂકેલી છાશ ઉમેરો.
સંવર્ધિત કરેલ છાશ
ઉન્નત છાશ એ તેલયુક્ત દૂધ પીણું છે. તે (કોઈપણ) ગાયના દૂધમાંથી બનાવવામાં આવે છે. ભેંસના દૂધમાંથી બનેલી છાશ સ્વાદમાં થોડી ખાટી હોય છે. આ ખાટા લેક્ટિક એસિડ બેક્ટેરિયાને આભારી છે. છાશ બનાવવાની બે રીત છે. સંસ્કારી છાશ બનાવવા માટે લેક્ટિક એસિડ બેક્ટેરિયા સીધા દૂધમાં ઉમેરવામાં આવે છે. સ્ટ્રેપ્ટોકોકસ લેક્ટીસ તરીકે ઓળખાય છે. બીજી છાશ પણ બલ્ગેરિયન છાશ તરીકે ઓળખાતી અન્ય પ્રજાતિના જંતુઓનો ઉપયોગ કરીને બનાવવામાં આવે છે. તે લેક્ટોબેસિલસ બલ્ગેરિકસ નામના બેક્ટેરિયમમાંથી બને છે. જેઓ પીડા લાવે છે.
છાશ વિષે વીકિપીડિયા પર વાંચો
છાસ પીશો તો આટલા બધા ફાયદા તમારા શરીરને થશે, જાણો છાશ પીવાના અદ્ભુત ફાયદા | છાસ પીશો તો આટલા બધા ફાયદા તમારા શરીરને થશે
એક ગ્લાસ છાસના ઢગલાબંધ ફાયદા
શું તમને ખબર છે છાશને આર્યુવેદમાં સાત્વિક ફૂડ જણાંવાયું છે? હવે જ્યારે તમને મસાલેદાર કે ભારે ખોરાક લીધા પછી એસિડિટી થઈ જાય તો કોઈ દવા લેવાને બદલે ગ્લાસ ભરીને છાશ પી લેજો. દહીંમાંથી બનતું આ પીણું સ્વાદિષ્ટ પણ છે અને સ્વાસ્થ્ય વર્ધક પણ. તે ભોજનની સાથે પરફેક્ટ સહાયક પણ છે. વળી, જ્યારે કાળઝાળ ગરમીમાં તો બીજું કોઈ પીણું છાશ જેવી ઠંડક આપી જ ન શકે!
રોજ બપોરે છાશ પીવાના આ 12 ફાયદા જાણી લેશો તો, એકપણ દિવસ છાશ પીવાનું ભૂલશો નહીં
ગુજરાતીઓને છાશ વિના ન ચાલે. તમે કોઈપણ ગુજરાતીના ઘરે જાઓ તમને જમવા સાથે છાશનો ગ્લાસ અવશ્ય જોવા મળશે. એમાં પણ ઉનાળામાં તો ખાસ લોકો રોજ છાશ પીવે છે. તેમ છતાં ઘણાં લોકો એવા પણ છે જેઓ રોજ છાશ નથી પીતા અથવા તો ઘણાંને છાશ પસંદ નથી હોતી. પણ શું તમે જાણો છો કે, છાશ શરીરમાં રહેલાં ઝેરી તત્વોને બહાર નિકાળી દે છે. ગરમીમાં તો છાશ અમૃત સમાન હોય છે. છાશ એક એવું પીણું છે જે શરીરને શક્તિ પ્રદાન કરે છે અને રોગપ્રતિકારક શક્તિમાં પણ વધારો કરે છે.
- છાશ ઉનાળામાં અમૃત સમાન છે
- પેટના તમામ રોગોને ખતમ કરે છે છાશ
- વાત, પિત્ત અને કફને બેલેન્સ કરવામાં કારગર છે છાશ
કેવી છાશ પીવી?
મોટા ભાગના લોકો માને છે કે મોળી છાશ પીવી સારી, પરંતુ એ સાચું નથી. સાવ જ મોળા દહીંમાંથી બનેલી છાશ કાચી હોય છે અને તેનાથી કફ થાય છે, જ્યારે અતિશય ખાટી થઈ ગયેલી છાશ પિત્ત કરનારી થઈ જાય છે. સામાન્ય રીતે થોડીક ખટાશ આવી હોય એવી ખટમીઠી છાશ ત્રિદોષશામક કહેવાય છે. છાશ હમેશાં બપોરે જ પીવી.
૧. એસિડિટીમાં અક્સીર ઈલાજ તરીકે કામ કરે છે
જો તમને જમ્યા પછી એસિડિટીની તકલીફ રહેતી હોય તો, તમારા ભોજનમાં છાશનો ઉપયોગ કરવાનું શરૂ કરી દો. દહીંમાથી બનેલી છાશ તમારા પેટને ઠંડુ રાખશે અને બળતરાને શાંત પાડી દેશે.
૨. મસાલેદાર તીખા ભોજન પછી પેટને ઠંડુ રાખે છે
મસાલેદાર ભોજન પેટમાં બળતરા ઊભી કરે છે, પણ છાશ બળતરાને શાંત પાડવામાં મદદ કરે છે. દૂધ અને દૂધમાંથી બનતી વસ્તુઓ હકિકતમાં તીખાશ સામે લડવા માટે ઘણી ઉત્તમ છે – તેમાં રહેલું પ્રોટિન તીખાશને સામાન્ય કરી નાંખે છે અને સિસ્ટમને ઠંડી રાખે છે.
૩. પાચનક્રિયાને ઉત્તમ બનાવે છે
છાશમાં રહેલા તત્વો અપચા સામે રક્ષણ આપે છે અને ખાટા ઓડકાર આવતા અટકાવે છે. છાશમાં પ્રોબાયોટિક્સ હોય છે જે જઠર રસને વધારે છે. તે પાચનક્રિયા અને રોગ પ્રતિકાર શક્તિને વધારે છે.
૪. કેલ્શિયમની માત્રા સારા પ્રમાણમાં વધારે છે
પુખ્તવયની વ્યક્તિને હાડકાં અને દાંતને મજબૂર રાખવા દરરોજ 1,000થી 1,200 મીલી કેલ્શિયમની જરૂર પડે છે. દૂધના એક ગ્લાસમાં 300 મીલી કેલ્શિયમ હોય છે, જ્યારે 1 કપ છાશમાં 420 મીલી કેલ્શિયમ હોય છે. તમારા રોજના ભોજનમાં માત્ર એક કપ છાશનો ઉપયોગ કરવાથી કેલ્શિયમનું પ્રમાણ 350 મીલી સુધી વધી જશે.
૫. ચરબીને પણ ઘટાડે છે
શું તમે ફૂડ કોમાની ફિલિંગ વિશે જાણો છો? ભોજન પછી છાશ પીવાથી તમને સારું લાગશે. તેલ, માખણ અને ઘી તમારી અન્નનળી અને પેટને જકડી લે છે, ત્યારે છાશ તમને હળવાશનો અનુભવ કરાવશે.
૬. કેલ્શિયમ ઉપરાંત બીજા પણ પોષક તત્વો હોય છે
છાશમાં પ્રોટિન, પોટેશિયમ અને વિટામીન બીનું સારું એવું પ્રમાણ હોય છે. આ દરેક તત્વોમાં મોટાપ્રમાણમાં વિટામીન, મીનરલ્સ અને એન્ટીઓક્સિડન્ટ્સ હોય છે. આ પોષક તત્વો રોગ પ્રતિકાર શક્તિ વધારે છે, ઊંઘ સારી આવે છે, હોર્મોન સિન્થેસીસ વધારે છે અને બીજા પણ ઘણાં ફાયદા છે.
૭. કોલેસ્ટોરલ ઘટાડે, બ્લડ પ્રેશર ઓછું કરે અને કેન્સર સામે પણ રક્ષણ આપે છે
એક સ્ટડી મુજબ છાશમાં રહેલી દૂધની ચરબીમાં અદ્ભૂત બાયોએક્ટિવ પ્રોટિન હોય છે જે કોલેસ્ટોરલને ઓછું કરે છે, તેમાં એન્ટીવાઈરલ, એન્ટીબેક્ટેરિયલ અને એન્ટીકાર્સિનજેનિક તત્ત્વો હોય છે. સ્ટડીમાં એ પણ જણાયું છે કે, દરરોજ છાશ પીવાથી બ્લડ પ્રેશર પણ ધીરે-ધીરે ઓછું થાય છે.
૮. ડિહાઈડ્રેશન સામે રક્ષણ આપે છે
જો તમે ગરમીમાં બહાર જઈ રહ્યા હોય તો છાશની બોટલ ભરીને સાથે લેતા જાઓ કે પછી ઘરે આવો ત્યારે ગ્લાસ ભરીને ઠંડી છાશ પીવો. દહીં અને પાણીના આ મિશ્રણમાં મીઠું અને મસાલો નાંખીને પીવો, તેનાથી શરીરમાં ઘટેલા પાણીના જથ્થાની ભરપાઈ તાત્કાલીક થઈ જશે અને ડિહાઈડ્રેશનથી બચવામાં મદદરૂપ થશે.
૯. લેક્ટોસ-ઈન્ટોલરન્ટની સમસ્યાથી પીડાતા હોય તેવા લોકો માટે કામની છે છાશ
જે લોકો લેક્ટોસ ઈનટોલરન્ટ (દૂધમાં રહેલી શર્કરાથી સમસ્યા) હોય તેમને પણ છાશ પીવાથી કોઈ સમસ્યા થતી નથી. જો તમે આવી સમસ્યાથી પીડાઓ છો તો તમે પણ દૂધને બદલે છાશ પીને કેલ્શિયમની ઉણપ પૂરી કરી શકો છો.
૧૦. વાળ માટે ઉત્તમ છે
દરરોજ સવારના નાસ્તા અને બપોરના ભોજન પછી છાશ પીવાથી શક્તિ વધે છે અને વાળ સંબંધી રોગો પણ દૂર થાય છે અને કસમયે વાળ સફેદ થવાની સમસ્યા પણ દૂર થાય છે.
૧૧. પેટના રોગો દૂર કરે છે
પેટના રોગો માટે તો છાશ આશીર્વાદ સમાન છે પેટની સમસ્યા અપચો, કબજિયાત જેવી સમસ્યામાં તો દિવસમાં 3-4વાર છાસ પીવી જોઈએ. છાશ પીવાથી શરીરને ઠંડક મળે છે અને એટલે જ ઉનાળામાં લોકો છાશ પીતા હોય છે. છાશ આપણા વાળ અને આંખો માટે પણ અત્યંત લાભકારી હોય છે.
૧૨. ખોરાક પચાવવામાં મદદ કરે છે
ભૂખ ન લાગતી હોય, શરીરમાં વાયુને કારણે દુખાવો રહેતો હોય, પાચન બરાબર ન થતું હોય, અવારનવાર છાતીમાં ભાર રહેતો હોય અને ગભરામણ થતી હોય તથા ખાટા ઓડકાર આવતા હોય તો છાશનું નિત્ય સેવન ગુણકારી છે.
છાશ પીવાના ફાયદા | ઘરેલું ઉપચાર મા છાશ નો ઉપયોગ | Chhas na fayda
મસાલાવાળી છાશ બનાવવાની રીત
- 400 મીલી દહીં
- 1 ચમચી સિંધાલુણ
- 1 ચમચી ચાટ મસાલા
- આદુનો અડધો ટૂકડો
- 2 લીલા મરચાં (સારી રીતે સમારેલાં)
- થોડી હિંગ
- મીઠું (સ્વાદ મુજબ)
- 1 ચમની લીંબુનો રસ
- મીઠા લીંબડાના થોડા પત્તા
- બે ચમચી કોથમીર
- લીલાં મરચાં
- આદુ અને 2-3 મીઠાં લીંબડાના પાન
આ બધાને મિક્ષરમાં નાંખી એકરસ થઈ જાય ત્યાં સુધી ક્રશ કરો. તેમાં દહીં ભેળવો અને બરાબર મીક્ષ કરો. આ મિશ્રણને એક ગ્લાસમાં નાંખો. તેમાં ચાટ મસાલા, સિંધાલુંણ, મીંઠું, લીંબુનો રસ અને હિંગ નાંખી તેને બરાબર મીક્ષ કરો. ફ્રિજમાં રાખી ઠંડુ કરો. તેમાં મીઠાં લીંબડાના પાન અને કોથમીર નાંખી સર્વ કરો.
એક અહેવાલ મુજબ, છાશ ગમે તે રીતે તૈયાર કરવામાં આવે તેના ઘણા ફાયદા છે. ભોજન સાથે છાશનું નિયમિત સેવન કરવાથી પાચનતંત્ર સ્વસ્થ રહે છે. તે એસિડિટીને નિયંત્રિત કરે છે અને હાડકાંને મજબૂત બનાવે છે. જે લોકો વજન ઘટાડવાનું વિચારી રહ્યા હોય તેમના માટે છાશ ખૂબ જ ફાયદાકારક છે. તો ચાલો જાણીએ છાશના ફાયદા વિશે.
અલગ અલગ પ્રકાર ની મસાલા છાશ બનાવવાની રીત
ધાણા અને ફુદીના વાળી મસાલા છાશ
ધાણા અને ફુદીના ની છાશ બનાવવા જોઇશે અડધો કપ ફુદીનો,અડધો કપ લીલા ધાણા,૧ કપ મોળું દહીં, ૧ ચમચી જીરું, સિંધા નમક અને એક નાની ચમચી લીલા મરચા.
લીલા ધાણા અને ફીદીના ને સારી રીતે ધોઈને ઉપરોક્ત બધી સામગ્રીને મિક્ષ્ચર જાર માં નાખીને પીસી લો,
બનેલી પેસ્ટ ને એક વાસણ માં કાઢને ફરી તેમાં દોઢ કપ જેટલું દહીં નાખો અને ત્યાર બાદ તેમાં જરૂરીયાત અનુસાર ઠંડુ પાણી નાખીને સેર્વિંગ ગ્લાસ માં સર્વ કરો.
ઉપર થી લીલા ધાના અને ફુદીના વડે ગર્નીશ કરો તૈયાર છે ધાણા અને ફુદીના વાળી મસાલા છાશ.
રાજસ્થાની છાશ અથવા સાદી સિમ્પલ છાશ
લગભગ એક ગ્લાસ મોળું દહીં અને એક ગ્લાસ ઠંડુ પાણી તથા સીધા નમક અને સેકેલા જીરું નો ભુક્કો નાખીને સારી રીતે મિક્ષ કરી લો તૈયાર છે રાજસ્થાની છાશ અથવા સાદી છાશ.
આદું અને લીંબૂ વાળી છાશ મસાલા છાશ
આદું અને લીંબૂ વાળી મસાલા છાશ બનાવવાવ જોઇશે એક ગ્લાસ દહીં, અડધું લીંબૂ, બારીક સમારેલા લીલા ધાણા, અડધો કટકો આદું, સેકેલા જીરું પાવડર,સાદું મીઠું, સિંધા નમક, બરફ
સૌપ્રથમ મોળું દહીં, લઈને તેને બ્લેન્ડર ની મદદ થી જેરી લો પછી તેમાં સેકેલા જીરું પાવડર, સિંધા નમક, સાદું મીઠું, લીલા ધાણા, લીંબૂ નો રસ નાખી ને સારી રીતે મિક્ષ કરી લો,
પછી તેમાં આદું નો રસ નાખીને હલાવી લો, અને સેર્વિંગ ગ્લાસ માં કાઢીને ઉપર થી લીલા ધાણા નાખીને થોડા બરફ ના ટુકડા નાખીને સેર્વ કરો.
વઘારેલી મસાલા છાશ બનાવવાની રીત
વઘારેલી મસાલા છાશ બનાવવા આપણે જોઇશે ૧ ગ્લાસ મોળું દહીં, ૨ ગ્લાસ ઠંડુ પાણી, સેકેલું જીરું પાવડર, સિંધા નમક અને સાદું મીઠું સ્વાદાનુસાર, ફુદીના નો પાવડર એક ચમચી, આખું જીરું નાની ચમચી, નાની ચમચી હિંગ એક નાની ચમચી તેલ.
મોળું દહીં, અને પાણી મિક્ષ કરીને છાશ તૈયાર કરી હવે તેમાં ફુદીના નો પાવડર, સિંધા નમક, સાદું મીઠું, સેકેલા જીરું નો પાવડર મિક્ષ કરીને સારી રીતે હલાવી લો.
હવે તેમાં વઘાર માટે એક વ્ઘારીયા માં તેલ લઇ ને તેમાં જીરું અને હિંગ નાખીને વઘાર કરો. વઘાર ને તરત જ છાશ માં નાખીને ઢાકી દો.
લગભગ ૧૦ થી પંદર મિનીટ સુધી ધકેલું રહેવા દો. ત્યારબાદ સર્વિંગ ગ્લાસ માં કાઢીને ઉપર થી લીલા ધાના અને ફુદીના વડે સજાવીને સર્વ કરો.
છાશ ને લગતા કેટલાક પ્રશ્નો
છાશ નું સેવન ક્યરે કરવું જોઈએ ?
તમે ઈચ્છો તો ભજન સાથે અને ભજન પછી પણ છાશ નું સેવન કરી શકો છો જે તમને ભોજન પચાવવામાં મદદરૂપ થાય છે
છાશ ની તાસીર કેવી છે?
ઠંડી તાસીર છે છાશ ની, જો તમને શરદી ઉધરસ ની સમસ્યા, કાન ની સમસ્યા હોય તો છાશ નું સેવન કરવું જોઈએ નહી
શું છાશ નું સેવન કરવાથી વજન વધી શકે છે?
છાશ ની અંદર ખુબજ સારા વિટામિન્સ, મિનરલ્સ અને બહુ ઓછી કેલેરી અને ફેટ ધરાવતું પીણું છે ,છાશ નું સેવન કરવાથી તમે તાજગી નો અનુભવ ની સાથે હાઈડ્રેટેડ રહો છો તે તમારો વજન વધારતી નથી પરંતુ ભોજન પચાવવામાં મદદરૂપ થાય છે
શું ખાલી પેટે છાશ નું સેવન કરી શકાય?
છાશ એ એવું પીણું છે જેનું તમે ક્યારે પણ સેવન કરી શકો છો, સવાર, બપોર કે રાત
ગેસ ની સમસ્યા મા છાશ નું સેવન કરી શકાય?
સામાન્ય રીતે છાશ નું સેવન ભોજન સાથે અને ઘણા લોકો ભોજન પછી કરે છે, તમને જણાવીએ કે છાશ ની અંદર રહેલ લેકટીક એસીડ આપણી પાચનક્રિયા ને ફાયદા કારક છે જે તમને ગેસ ની સમસ્યા થી દુર રહેવામાં મદદરૂપ થશે
છાશ પીવાના ફાયદાઓ :
1). છાશ પ્રોબાયોટિક છે, જેનો અર્થ છે કે તેમાં તંદુરસ્ત બેક્ટેરિયા હોય છે. સ્વસ્થ બેક્ટેરિયા પાચનતંત્રને સ્વસ્થ રાખવામાં મહત્વની ભૂમિકા ભજવે છે. તેથી, તે અપચો અને કબજિયાત જેવી સમસ્યાઓમાં પણ મદદ કરે છે.
2). સારા બેક્ટેરિયા પેટમાં ગેસની રચનાને અટકાવે છે, જે બદલામાં એસિડ રિફ્લક્સને અટકાવે છે. છાશના ગુણોને કારણે પેટમાં પોષક તત્વોનું ઝડપથી પાચન થાય છે. તેથી, તે એસિડિટી દૂર કરવામાં મદદ કરે છે.
3). છાશમાં વિટામિન ડી હોય છે જે કેલ્શિયમના શોષણમાં મદદ કરે છે. તેના સેવનથી હાડકા મજબૂત બને છે. સ્ત્રીઓમાં મેનોપોઝ પછી છાશનું સેવન સારું માનવામાં આવે છે. રોજ ખાલી પેટ તેનું સેવન કરવાથી ઓસ્ટીયોપોરોસીસનું જોખમ ઓછું થાય છે.
4). બ્રિટિશ મેડિકલ જર્નલમાં પ્રકાશિત થયેલા અહેવાલ મુજબ, છાશમાં ખાસ બાયોમોલેક્યુલ્સ હોય છે અને તે કોલેસ્ટ્રોલનું સ્તર ઘટાડે છે.
5). છાશમાં નજીવી ચરબી હોય છે. તેથી, તે વજન ઘટાડવામાં મદદ કરે છે. તેનું નિયમિત સેવન વજન ઘટાડવામાં મદદ કરે છે. તે ફેટ બર્નરનું કામ કરે છે અને વજનને નિયંત્રિત કરે છે.
(નોંધ: આ લેખમાં આપેલા મુદ્દાઓ પ્રાથમિક માહિતીઓને આધારે તૈયાર કરવામાં આવ્યા છે. આરોગ્યને લાગતાં કોઈ પણ પ્રયોગ કે નિર્ણય લેતા પહેલા અનુભવી તબીબ અથવા જે તે વિષયના નિષ્ણાંતની સલાહ લેવી હિતાવહ છે.)
Search Topic
છાશ પીવાના ફાયદા, છાશ બનાવવાની રીત, દહીં માં કયો એસિડ હોય છે, મમરા ના ફાયદા, વિરુદ્ધ આહાર, દહીં ના ફાયદા, વાળાનો રોગ, મૂળા ખાવાના ગેરફાયદા